Manughato 57 Nukhungni 171 Voter Tipra Mothani Bana Rwngkha

5 February 2023, Manughat: tini Longtrai Valleyni Manughat Hatigo Tipra Mothani garakhlai kaisa luku kuthungmwng pana songchajakkha. 48-Kara...

5 February 2023, Manughat: tini Longtrai Valleyni Manughat Hatigo Tipra Mothani garakhlai kaisa luku kuthungmwng pana songchajakkha. 48-Karamcherra Assembly chongbari achokthai daiyo Tipra Mothani ongoi batainai Paul Danghsuno kabang vote bai kaplai khlaini bagoi aro Greater Tipraland bimwngni chobano arobo krak khlaini bagoi kothe kothe bodol yakagwi 57 nukhungni 171 voter Tipra Mothani bana rwngphaika.

I luku kuthungmwng panago 48-Karamcherra achokthai daiyo batainai Paul Danghsu, TTAADCni EM Suhel Debbarma, Tipra Motha Dolai Hangkorni twiphang Ratish Tripura, 48-Karamcherra Tipra Motha Block President Abhijit Tripura song phaiywi majakkha.