Hapangni Malkhong BJP Bodolni Auaimwngo, Complaint Rojakkha Returning Officerni Daiyo

Nokphang February 14, 2023 Tripura

14 February 2023, Agartala: habanokni malkhongno BJP bodolni auaimwngni samwngo phnangjakma rwgwi 45- Kamalpur Assembly Constituencyni Retur...

14 February 2023, Agartala: habanokni malkhongno BJP bodolni auaimwngni samwngo phnangjakma rwgwi 45- Kamalpur Assembly Constituencyni Returning Officerni daiyo complaint rogoi miya kokton suijakmani koktma.

Koktmago sagoi majakkha, bearing Regd. No. TR-04-0313 (Maruti Van) Silver Colour bwmwngoi hapangni kaisa malkhong ebakhlai Kamalpur Nagar Panchayatni malkhongno Kamalpur Nagar Panchayatni Vice-Chairman Subrata Majumder bo 45-Kamalpur Assembly achokthai daiyo BJP bodolni batainaini chongbarini auaimwngo samwngo thepajakmani nujakkha.

Hapangni malkhong braikhlai BJP bodolni ongoi chongbarini auaimwngni samwngo phnangjakkha i patimwngno lagwi krak majra lanani ongthwk hinoi miya Kamalpur SDM Office daiyo 45- Kamalpur Assembly Constituencyni Returning Officerni daiyo complaint rogoi kokton suika Biprajit Gope.

Hor jorani koktma manmani, taboksak jora i patimwng bai krwngjakno naiphiljakyakho aro mwngsabo majra rojakyakho phwk.

No comments

Subscribe to: Post Comments (Atom)