60-Kanchanpur Constituency Daiyo Bataikha Tipraland State Party

2 February 2023, Agartala:  60-Kanchanpur Assembly chongbari achokthai daiyo Tipraland State Partyni ongoi batainai ongkha Shankar Reang. Bo...

2 February 2023, Agartala: 60-Kanchanpur Assembly chongbari achokthai daiyo Tipraland State Partyni ongoi batainai ongkha Shankar Reang. Bono vote rogoi kaplai khlaini bagoi haido khlaika Tipraland State Partyni tangphang Ranajoy Jamatia. Iboni loge Tipra Mothani ongoi batainairoknobo chubanani saklaikha.

Tini Tipraland State Party kaisa Press Releaseni bisingtwi saklaikha, Tipraland State Party Election Commission of Indiani gosemwng majak kaisa political bodol. I bodolni MCC Meeting daiyo kokchapjakmani bisingtwi 60-Kanchanpur (ST) Assembly chongbari achokthai daiyo Tipraland State Party batainai. Aro khorok brwichisa Tipra Mothani ongoi batainairokno 16 February salmarigo songchajaknai Tripura Legislative Assembly chongbarigo chubanai. Aini bagoi bodolni chorok adong, votersrokno haido khlai saklaiywk Tipraland State Partyni batainai aro Tipra Mothani ongoi batainairok vote rogoi kaplai khlaini bagoi. I koktmano sapainani aro auaini bagoi koktma blai, electronics mediani kokmithingnairokno haido khlaiywi. 

I 60-Kanchanpur Assembly chongbari achokthai daiyo jomangoi khorokdok batainairok tongwk. Tipraland State Partyni ongoi bataikha Shankar Reang. Bini badebo CPI(M), Congress, BJP, IPFT bodolni ongoi bataikha. Iro khoroknoi Indipendent ongoi batainaibo tongwk. I chongbari achokthai daiyo batainai khorokdok candidaterok ongkha--

1. Shankar Reang- Tripraland State Party

2. Rajendra Reang- Communist Party of India (Marxist)

3. Prem Kumar Reang- Indegenous People's Front of Tripura

4. Philip Kumar Reang- Tipra Motha Party

5. Indrakhela Chakma- Independent

6. Bimanjoy Reang- Independent