TIPRASA COMMUNITYNO HERITAGE VILLAGENI BAGOI JEGA YAPHARNAI TTAADC HAPHANG

14 January 2023, Khumulwng : Tipra Motha TTAADC haphango achokmani olo Tiprasa Communityrokno bokni customary law court snamni, aro communit...

14 January 2023, Khumulwng: Tipra Motha TTAADC haphango achokmani olo Tiprasa Communityrokno bokni customary law court snamni, aro community thogwi bokni habanok snamni bagoi jega dolasa ebakhlai 10 gondakhlai ronani saklaijak. Saklaijakmanitwi TTAADC-ni Head Quarter Khumulwngo Tiprasa Communityrokno jega rosinai TTAADC haphang.

Phainai 16 January 2023 salmarigo TTAADC-ni Nuai Auditorium daiyo songchajakni thangoi tongwk kaisa pana. I panago hani bobagra Pradyot Kishore Manikyani phaiywi majakmani bai Tiprasa Communityrokni ojamarokno jega bakgwi rojaknai. Aini bagoi o panago khamkano phaiywi majakni bagoi TTAADC haphangni bwkhaktwi Tiprasa ojamarokno khabai khukbai haido khlaijakkha. Poila bwkhago kainoichinoi Tiprasa Communityrokno jega rojaknai hinoibo saka.