STATE LEVEL SENGKRAK FESTIVAL Songchajaknai 28-29 January

25 January 2023, Agartala : phainai 28-29 January 2023 salnoi jora rwngwi Udaipur Killani Manithang Parago songchajakni thangoi tongo 'S...

25 January 2023, Agartala: phainai 28-29 January 2023 salnoi jora rwngwi Udaipur Killani Manithang Parago songchajakni thangoi tongo 'State Level Sengkrak Festival'.

I terno songchakha Molsom Doga bai Tripuran hani ICA Department thaincha khlaiywi.

I terno chati mwchwngoi chengoi ronai ongkha Council of Tiprasa Hodani Convenor ebakhlai Tripura dophani NARAN machang Birendra Tripura.

Panago naruairok ongoi phaiywi majakphainai Jamatia Hodani Hoda Okra machang Bipra Kumar Jamatia.

Naruaimwtwng ongoi majakphainai Killa RD Blockni BAC Chairman machang Baganhari Molsom, Tripura Kalyan Ashramni Vice-President machang Nityahari Jamatia, ICA-ni Dy. Director Manoj Debbarma.

Boromgnang naruai ongoi phaiywi majakphainai Kalai Samajni Rai machang Mangal Pada Kalai, Tripur Khashtriya Samajni President machang Jogendra Debbarma, Murasing Hodani Twiphang machang Ram Gopal Murasing, Uchai Dofani Sharpa machang Lorence Uchai, Hrangkhawl Dofani Rai machang Salil Kumar Hrangkhawl, Kaipeng Dofani Rai machang Lapui Lal Kaipeng, Rupini Dofani Rai machang Joy Manik Rupini, Karbong Dofani Rai machang Bishwa Chandra Karbong, Tripura Garo Unionni President Subhash Marak, Noatia Hodani Chaudhury machang Udhai Singh Noatia, Bru Songrongma Mthohni machang Khaba Reang aro Bongcher Hodani Rai machang Kamal Bongcher.

O salni panani achokphang ongoi achoknai Molsom Dofani Rai machang Madan Hari Molsom.

I tergo phaiywi majakni bagoi Tripura hani lukurokno khabai khukbai haido khlaika Molsom Dofani Joint Secretary ebakhlai o terni Convenor machang Narayan Molsom aro Molsom Dofani Kanchikau machang machang Kaidin Bhakta Molsom.