23 January 2023, Kakraban: phainai Assembly chongbarino baskango larwgwi chorok political bodolno auainani chengkha aro baithangni bodolno ...
23 January 2023, Kakraban: phainai Assembly chongbarino baskango larwgwi chorok political bodolno auainani chengkha aro baithangni bodolno kaplai khlaini bagoi katal adongrokno bodolgo lamjomani yakthakya khlaino nujagoi tongwk.
Ibotwikhlai tini 33-Kakraban-Shalghara Assembly achokthai daiyo kothe kothe bodol yakagwi 200 voter Tipra Mothani bana rwngphaika. Ibo SC achokthai. I achokthai daiyo ST voterbo kabangmano tongwk.
Tipra Mothago tabok bana Tiprasa simingya, uanjwi dophani lukurokbo bodol bodol phailai tongwk bobagrani thainchano loge roni bagoi. Tini Tiprasa voterni loge uanjwi voterbo tongwk
Tini Tipra Mothago katal yapri ronai adongrokni bisingo Trinamool Congress Tripura hagira beremni kacham tangphang Khirode Mohan Dasbo tongwk. Bo South Tripurani TMCni in-charge ongoibo samwng tangjak. Bo saka, Tripura hago hamkraini lama twbwini bagoi, mathai-soktaino manani bagoi TMC bodolbo phariya, CPI(M) bodolbo phariya, BJP, Congress kaisa bodolbo phariya. Aini bagoi Tipra Mothago yapri rokha. Tipra Motha i achokthai daiyo kaplai khlaiywi amchaini hamkrai, chorokni hamkrai khlainai.
Iboni sakango i achokthai daiyo CPI(M) bodolni Karkrabon LCni tangphang Uttam Sarkar bobo Tipra Mothani bana rwngphaika.
Tabok Kakrabanni kaiba village committee daiyo 95% lukurokno Tipra Mothani phaisingo tongwk. Chwng nogo nogo thangoi Tipra Mothani kokno phirwi tongdok. Kha khlaiywk Tipra Mothani phran krak ongoi bachanai aro chwng chongbarigo kaplai ongnai, i kokno saka o achamitini Tipra Mothani khorokcha tangkra.
No comments