22 January 2023, Guwahati: INPT bodolno kosol IPFT bodolbo Tipra Motha bai miliywi thangthwk. Ibo jora kalokma rwngoi Tiprasa lukurokni nai...
22 January 2023, Guwahati: INPT bodolno kosol IPFT bodolbo Tipra Motha bai miliywi thangthwk. Ibo jora kalokma rwngoi Tiprasa lukurokni naisingjak tongmani. Ibo kwbwi kwbwino mwkthango ongkha.
Tmwi hinba IPFT bodolni bimwng ongkha Tipraland aro Tipra Mothani bimwngbo Greater Tipraland. Kainoi bodolni naimwngno ongkha Tiprasani mwthangjaknani lama.
Tiprasarokni Greater Interestni bagoi bobagra IPFT bodolno Tipra Motha bai krwngsidi hinoi haido khlai kokton suijak. Iboni olo miya kainoi bodolni ojamarokni bisingo Guwahatigo kaisa kokchaplaima pana songchajakkha. Iboni olo Tipra Motha bai IPFTni ojamarok saklaikha bok
Tiprasarokni Greater Interestni bagoi thaincha ongsinai hinoi. Iboni bisingtwi 2023 Tripura Legislative Assemblyni chongbarigo kaisa bodol ongoi batainai i kok daijo ongkha.
Bok tabok Guwahatigokho. Bok daktwino Tripura hago phaiywi i koktma gamno chorok lukurokni baskango saklainai hinoi saka bobagra bai IPFT, Central Working President ebakhlai montri Prem Kumar Reang.
I kokchaplaithanigo bobagra ebakhlai Tipra Mothani kasku Maharaja Pradyot Kishore Manikya, Tipra Mothani twiphang Bijoy Kumar Hrangkhawl, TTAADC-ni achokphang Jagadish Debbarma, TTAADC-ni EM Chitta Ranjan Debbarma, IPFT Central Committeeni Working President ebakhlai montri Prem Kumar Reang, MLA Prashanta Tripura, IPFTni Budhu Debbarma aro Tipra Motha bai IPFT bodolni ojamarok tongbaiywk.
No comments