Chongbari Rwgwi Raishyabari R.D Blockni Sebokrokno Leaveni Permission Rojaglak

19 January 2023, Gondatwisa:  Phainai 16 February 2023 Tripura Legislative Assemblyni chongbari songchajaknai. Miya New Delhigo Election Com...

19 January 2023, Gondatwisa: Phainai 16 February 2023 Tripura Legislative Assemblyni chongbari songchajaknai. Miya New Delhigo Election Commission of India koktmathungnai panani bisingtwi saklaikha. 

Aini bagoi tabok Tripura hago Model Code of Conduct (MCC)ni raida rwgwi kabangma habanokni sebokrokno habalengkhoma ebakhlai leaverok mwthakgwi rojakkha aro katal sebok tlangthani tangjagoi tongmani samwng-homwngrokbo bathakrogwi tonjakkha. 

Miya Dolai Hangkorni Gondatwisa bwkhaksteni Raishybari R.D Block daiyobo No.F.1 (8)/BDO/RSB/ESTT/2022-23/13847, Dated, 18/01/2023 bisingtwi Raishybari R.D Blockni BDO saklaikha 18 January 2023 salmarini siming phainai Tripura Legislative Assemblyni chongbari paisokyasok jora o habanokni chorok officer/official staffrokni habalengkhoma gosegwi lajakglak. Mode Code of Conduct (MCC)ni raida rwgwi kebo staffno jesa jorago samwng nangphugo habanogo manthokya ongoi tongkhlai oboni krak majra lajaknai.