28 November 2022, Agartala: Hohom-dodomni bisingtwi songchajakkha uainoichitham haste beremni Tripura Fresher's cum Social Meet Pana. Th...
28 November 2022, Agartala: Hohom-dodomni bisingtwi songchajakkha uainoichitham haste beremni Tripura Fresher's cum Social Meet Pana.
Thangnai 20 November salmarigo Agartala Town Hall daiyo Tripura dophani srwngnairokni motha 'Tripura Swrwngnai Buthu'ni chaitokmani bai songchajak i uainoichitham Fresher's Meet panano chati sogwi chengoi rokha Tripura dophani okra Naran machang Birendra Tripura.
Panago phaiywi majakkha Lok Sabha, Salka Tripura achokthaini boromgnang MP machang Rebati Tripura, MLA machang Jashabir Tripura, MLA machang Pravat Chowdhury, MDC machang Padma Lochan Tripura, Tripura Chubalai Buthu aro Tripura Writers' Forumni Advisory Committeeni kasku machangjuk Ajita Tripura, Tripura Students Association, Assam Central Committeeni twiphang machang Ram Moni Tripura, Tripura Chubalai Buthu, Central Committeeni twiphang machang Sachindra Tripura, tangphang machang Taranisen Tripura, Tripura Writers' Forum, Central Committeeni twiphang machang Dharinjoy Tripura, Tripura Brwi Buthu, Central Committeeni twiphang machangjuk Rani Tripura, United Tripura Youth Association, Central Committeeni twiphang machang Nabaratna Tripura, Tripura Swrwngnai Buthu, Central Committeeni twiphang-yakchu machang Sunil Tripura, tangphang machang Samir Tripura song.
I panani achokphang ongoi achokkha Tripura Swrwngnai Buthu, Advisory Committeeni kasku ebakhlai kacham MLA machang Dhananjoy Tripura.
I panago Tripura Swrwngnai Buthu, Central Committeeni bakhaktwi Tripura kok aro kokrabaino kuchugo tisani bagoi yapri segoi 'Maitang-2' bwmwngoi kangsa Tripura kokrabai balai karejakkha.
Panago Tripura hasteni chorok degree college, professional college aro Universityni Tripura dophani srwngnairok khatong-khajani bisingtwi hall kwplwng khlai phaiywi majakkha.
Panago phaiywi majakjak naruairok Tripura dophani hoda-hukumu, kok-kokrabai, rwngno lagwi bathai-bumul bai kholjak srwngmwng ganang kokbomarokno lagwi nangmani kok sagwi khanarokha.
Fresher's panano kitingoi Kherebai masamwngni bisingtwi rachap-musuni kaisa naithotok hukumu panabo songchajakkha.
Panago phaiywi majakjak srwngnairokni bisingo bokni kok samwng, rwngmwng, simwngrok, uansokmwngrokno naiywi khorokcha srwngnaino 'Mr. Freshers' aro khorokcha srwngnaijukno 'Miss Freshers' hinoibo saklaijakkha. Takhlai 'Mr. Freshers-2022' ongkha Adison Tripura aro 'Miss Freshers-2022' ongkha Khumsari Tripura. I Mr. Freshers aro Miss Freshersno twidulkha Tripura Brwi Buthu, Central Committeeni twiphang machangjuk Rani Tripura, kacham MLA machang Dhananjoy Tripura, TSB Central Committeeni ongoi tangphang Samir Tripura, twiphang-yakchu Sunil Tripura, Organizing Secretary Hriten Tripura song.
O salni freshers panano poilano siming paithak jora naithotok khlai panano kokmithingka machang Sakrwng Tripura bai machangjuk Bipasha Tripura.
No comments