Agartala, 8 October 2022: phainai 2023 Assembly chongbari jesa bodolni bagoi barikhlai nangmani. Sani thangklai jesa bodolni daiyo 'thwi...
Agartala, 8 October 2022: phainai 2023 Assembly chongbari jesa bodolni bagoi barikhlai nangmani. Sani thangklai jesa bodolni daiyo 'thwijaknai ebakhlai thangjaknai'.
Aini bagoi phainai 2023 Assembly chongbarino naikhogoi Tripura hasteni BJP bodol sakni thongno krak khlaini bagoi sakangbariya 'Chongbari Naikolnai Committee' khaka.
Thangnai 7 October 2022 salgo BJP Tripura haste committee bai saklaijak No.417.F.2(4) /BJP/TPA/2022, Date: 07/10/2022 auaimwng blaini bisingtwi khorokchidok (16) adongno lagwi khajak i committeeno twidulnai ongkha BJP Tripura haste committeni twiphang Rajib Bhattacharya.
I committeego khorokcha boromgnang adong aro khoroktam ringjak adong tongo. I committeeni adongrok ongkha BJP Tripura haste committeni twiphang Rajib Bhattacharya, montriokra Dr. Manik Saha, Rajya Sabhani MP ebakhlai kacham montriokra Biplab Kumar Deb, montriokra-yakchu Jishnu Devvarma, Central Montri Pratima Bhowmik, Lok Sabhani MP Rebati Tripura, montri Ratan Lal Nath, montri Bhagaban Chandra Das, bodolni tangphang Fanindra Nath Sharma, tangphang Tinku Roy, Papiya Datta aro Kishore Barman.
Committeeni khorokcha boromgnang adong ongkha Mahila Morchani twiphang Jharna Debbarma. Committeeni khoroktam ringjak adong ongkha hagarani khukpang Sambita Pattra, hagarani tangphang Hrituraj Sinha aro Pradesh Prabhari ebakhlai MP Dr. Mahesh Sharma.
I koktmano saklaikha BJP Tripura hasteni khukpang Nabendu Bhattacharya.
Iro uanamasangcha nujakkha, I committee daiyo Tiprasa adong bana chlaknoi. Bok ongkha montriokra yakchu Jishnu Devvarma bai Lok Sabhani MP Rebati Tripura. Tripura haste gnangoi 'go back' hinoi lukurokbai iswk chirikjaknai BJP-ni khachoksa hinoi sinijaknai i hasteni Tiprasa hamkrai montri Rampada Jamatia bai BJP Tripura hasteni twiphang yakchu Patal Kanya Jamatia BJP-ni i chongbari committee khajakmani daiyo sitongjakliya ebakhlai achokthai rojakliya.
No comments