Phainai 21 September Khumulwngni Naruai Tongthai Nogo Songchajaknai Koklop Pana

Phainai 21 September Khumulwngni Naruai Tongthai Nogo Songchajaknai Koklop Pana  Khumulwng: TTAADC Haphangni Kokborok bedekni chaitokmanibai...

Phainai 21 September Khumulwngni Naruai Tongthai Nogo Songchajaknai Koklop Pana

 Khumulwng: TTAADC Haphangni Kokborok bedekni chaitokmanibai phainai 21 September 2022 salmarigo Khumulwngni Naruai Tongthai daiyo songchajaknai 'Koklop Pana'. I koklop pana daiyo Tripura hasteni Kokborok, Assam hasteni Bodo, Dimasa, Tiwa aro Meghalaya hasteni Garo kokni kokrabainairok phaiywi majaknai.

O salni damchisa jorago panano chengywi ronai panani naruaiokra ebakhlai TTAADC-ni achokphang machang Jagadish Debbarma.

Panani achokphang ongoi achoknai TTAADC-ni Kokborok aro rwng bedekni chariphang machang Chittaranjan Debbarma.

Panago naruai motom ongoi majakphainai suikrwng Nanda Kumar Debbarma. Panago boromgnang naruai ongoi majakphainai Kokborok bedekni Addl. CEO Rajendra Kumar Noatia. Panago lamjogwi koklarwknai Kokborok bedekni Principal Officer Binoy Debbarma. O koktmago sakokha Kokborok bedekni Senior Linguistic Officer Bijesh Debbarma.