Longtrai Valley Subdivisionni Chailengta H.S School daiyo porenai Rajesh Reang Bojakmani Ne Khorang Tisakha TSF

Chailengta : thangnai 4 September salgo Longtrai Valley Sub-Divisionni Chailengta H.S School daiyo pore tongnai Manikpur Rajdharni Rajesh Re...

Chailengta:

thangnai 4 September salgo Longtrai Valley Sub-Divisionni Chailengta H.S School daiyo pore tongnai Manikpur Rajdharni Rajesh Reang bwmwngoi khorokcha srwngnai Bench daiyo achogoi suiywi tongmani bono achamitini o rwngnokni khorokchiba-chidok srwngnairok phaiywi bo-tok khlaiywi bench sakani khiklaika. Ibobai jegagono thwipleng-hampleng ongoi Rajesh Reangno Chailengta Hospital daiyo tlangkha. Bini sak barikhlai chaiya nujakmani bagoi Kulaini District Hospital daiyo refer hojakkha.

Thangnai 6 September salgo ibono Hospitalgo thangoi naithangka TSF Longtrai Valley Committeerok. TSF-rok Hospitalgo thangoi naimani olo Schoolni H.M bai kok salaika aro bunairokno krak majra lanani bagoi TSFrok suimwng balai rokha. Ibo simingya, TSF bodol Chailengta P.S daiyobo FIR klaikha Guardian rokni bakhaktoi.

I daiyo TSF Longtrai Valleyni twiphang Niren Tripurani chaitokmwng bai bujaknai Rajesh Reangni kwbwi justice naiywi khorang tisaka. Tomwng jorani bisingyo Rajesh Reangno bunairokno krak majra romiya hinklai TSF garakhlai chobago akhonani bagoi saka.