Agartala, 22 September 2022: karejakkha katal Tripura short film BURASA. Menuti Production bai karejak 20 minutesni i short comedy horror fi...
Agartala, 22 September 2022: karejakkha katal Tripura short film BURASA. Menuti Production bai karejak 20 minutesni i short comedy horror film ongkha Tripura dophani sirisitini siming sajagoi phaimani BURASA kokdumano lagwi snamjak short film.
I short film Tripura kokni Khakluk dialect kokbai snamjak. Khakluk ongkha Tripura dophani kaisa sub-tribe.
I short film daiyo casting khlainairok ongkha Ajay Tripura, Bubar Debbarma aro Hemchandra Tripura.
I short filmni kokboma ongkha, hik sai kwnwi huk khlaini bagoi hachwgo jora kisani bagoi gairing tangoi tongoikha. Salcha sare ongoibo bwphang garamano rua bai philsni philoi philmiya ongoi sal thangchakha mator bo nogo phirokliya. Bihik bono himsidi sare sal thangka hinoi sasni sagoibo bihikni kokno khnaliyani bihik saichong nogo phirogoi thangka. Basai saichungo gairingo tongrwkha.
Mator o horono bo gairingo saichung thutaniyo Burasa bai rwngphaijakka aro sikrijakphaika.
Iro satai klaiywi, i Tripura short film daiyo barikhlai kokthai hamya thepajakkha. Twmwi hinba Burasani kokduma daiyo Burasano rwkkhlaithanigo sirisitini simingno kokthai hamya thepajagoi phaiphwk hinoi lukuhodago sajakmani kok tongwk.
I BURASA- Tripura short filmno suinai aro snamnai ongkha Jacob Tripura.
Cinematography aro Editing khlaika Khapang Tripura.
Sound designed khlaika Chirantan Chakma.
Voice Dubbing khlaika John Twiphang Debbarma.
Photography ongkha Mwchang Debnarma.
Foley Artist ongkha Malthar Debbarma.
Sub-title rokha Khazsouh Reang.
Voice Artist ongkha Nabaratna Tripura.
I short film tisamani jegarok ongkha Shrinath Para, Karbook, Gomati District, Tripura.
I short filmno naiywi naidi tolani i link daiyo click khlaiywi
⚠️ This Film Contained Slang words however it is not a defamatory statements against any individual, Comunities, Religious or organization but made for purely entertainment purposes.
No comments