Hezamarani Surendra Nagar HS Schoolni Jwngjalno Thangoi Naithangka TSU

Agartala, 23 September 2022:  Hezamara ADC Blockni bisingo khopjak Surendra Nagar HS Schoolni srwngnairokni kabangma jwngjalno lagoi o rwngn...

Agartala, 23 September 2022: Hezamara ADC Blockni bisingo khopjak Surendra Nagar HS Schoolni srwngnairokni kabangma jwngjalno lagoi o rwngnokni phrwngnai bokhorokni daiyo deputation rolaikha TSU srwngnai bodol.

Koktmago sagwi majakkha, jora kwdwkma rwngwi Hezamara eba Mwsandwikhorni Surendra Nagar HS School daiyo srwngnairokni kabangma jwngjal nujagoi tongwk. Mator ibono lagwi kaisabo khorang tisanai krwi. Jwngjalrokni bisingo uanamasangcha jwngjal ongkha o rwngnogo kabangkuk srwngnairok Tiprasa ongmani olobo Kokborok phrwngnani bagoi khorokchabo Kokborok phrwngnai krwi. Ibo badebo o rwngnogo kabangma jwngjal tongo. O rwngnok thangnai 2017 bisigo English Medium ongkhs. Mator uanajaknai kok ongkha, o rwngnogo khorok 882 srwngnairokno phrwngni bagoi bana khorok chichuku (29) phrwngnai tongo. 

I koktmano sagwi manmani olo thangnai 20 September salmarigo TSU srwngnai bodol o rwngnogo thangoi beraiywi naithangka aro phrwngnai bokhorokni daiyobo kaisa deputation rolaimani bisingtwi kokmalama salaika.

TSU bodol naiywk o rwngnogo daktwino Kokborok phrwngnai bai arokothe phrwngnai ronani ongthwk.

Iro TSU Central Committeeni tangphang Sujit Tripura, TSU Mohanpur Sub-divisionni tangphang Ruble Debbarma, Badol Debbarma song thangoi majakkha.