Agartala: Amra Bangali, Tripura haste committeeni katal committee khajakkha. Thangnai 4-5 September salnoi jora rwngwi Amra Bangali, Tripura...
4 September salgo Centralni tangphang Jyoti Bikash Sinhani manjakmwng bai bodolni adongrokni bisingyo chongbari ongkha. 2022-24 bisinoini bagoi Amra Bangali, Tripura haste katal committee khajago khorokchitham adongno lagwi. Iboni bisingyo khorokchuku adong ongkha chongbarini bisingtwi sitongjakmani aro khorokbrwi adong ongkha Central Committee bai nominate khlaijakmani.
Satai klaiywk haste beremni kuthunglai kokchaplaima panago phaiywi majakjak 439 adongni bisingyo 362 ongkha Amra Bangalini samwng tangoi tongnai adong.
Kacham tangphang Gouranga Rudrapalno ano uaisa committeeni tangphang chongjakkha.
Katal committeeni kokchapjakmanitwi mandwi-khundwini rang mrokmani, unemployrokno samwng sitongnani, hasteni uanjwi dophani thangwi tongnani aro elembakni raidatwi mathai-soktaino lagwi baskangni salgo gara khlai haste gnangoi choba khlainani. Ibo badebo arobo kok chapjakkha baskangni chongbarigo Amra Bangali bodol batainani. Aini bagoi tabokni siming haste gnangoi bodolno krak khlaiywi tisajaknai.
Katal chongjakmani adongrok ongkha---
1. Shri Gouranga Rudrapal- Secretary
2. Shri Priyatosh Deb- Joint Secretary
3. Shri Chittaranjan Das- Organizing Secretary
4. Shri Dulal Ghosh- Publicity Secretary
5. Shri Biplab Das- Office Secretary
6. Shri Ramkrishna Debnath- Finance Secretary
7. Shri Rakhalraj Datta- Law Secretary
8. Shri Rajib Chowdhury - Branch Secretary
9. Smt. Gouri Majumdar (Debbarma)- Cultural Secretary
10. Shri Arun Nath- Development Secretary
11. Shri Karnadhan Chakma- Member
12. Smt. Chandi Debnath (Das)- Member
13. Shri Gopal Krishna Deb- Member.
No comments