Agartala, 26 September 2022: bari kha khamchacha khlai khairokma hamjakma krwikhlai Tripura haste haphangni naimwthangrok choprolaikha 1032...
Agartala, 26 September 2022: bari kha khamchacha khlai khairokma hamjakma krwikhlai Tripura haste haphangni naimwthangrok choprolaikha 10323 sebok kmajakrokni sakago.
Koktmago sagwi majakkha, 10323 sebok kmajakrok tini Bidhan Sabha abhiyan khlailaiywk aro tinino Bidha Sabhani kuthungmwngni paithak sal. Phrwngnairok bodol bodol khlai Circuit House atlogo khorang tisagwi thanglaiywk. Irono haphangni naimwthangrok 10323ni sakago khakhamchacha khlai lathi charge rokha. Ibobai kabangma phrwngnairok sago dukho manpaikha. Brwi chla hinoi yokliya. Sakni sebok kmajakno binani thangtanigo swi-uakno kosol khlai bu-tok khlaijakni nangkha.
Oro policeni beriket sabaini thangoi police CRPF naimwthang bai hanang-pinang khlaijagoi choprojakkha. Kokjakkha Tear Gas aro Water Cannon. Iswk bai ongjakya naimwthangrok sebok kmajak 10323 phrwngnairokno rwngwi tlango AD Nagarni Police Headquarter daiyo.
10323 sebok kmajakrokni sakago naimwthangrokni ibotwikhlai chopromani ibo hasteni sijak-nujak lukurok selengma phunuka. Twmwi hinba, jani jani mathai-soktaino lagwi choba khlainani ibo elembakni raidani bisingo klaiywk. Raida rwgwino khorang tisago, ibo mwngsa chaiya krwi.
Tinini i patimwngni nobar kutung phainai 2023 Assembly Chongbarigo baswk joratwi siphaino ibo tabok jorano naisingthai.
No comments