Agartala || hasteni rwng aro srwngnairokni kabangma jwngjalno charogoi tisani bagoi porsni bimwngno lagwi Tribal Students' Union (TSU) b...
Agartala || hasteni rwng aro srwngnairokni kabangma jwngjalno charogoi tisani bagoi porsni bimwngno lagwi Tribal Students' Union (TSU) bodol tini Tribal Welfare Departmentni dagephang Dr. Vishal Kumar, IAS-ni daiyo deputation rolaikha aro kangsa memorandum blaibo ephalaikha.
TSU-ni porsni bimwngni bisingyo tongo-
1. bisipoti scholarshipni jwngjalni yak kakrogoi jorani bisingyo Tiprasa srwngnairokno scholarship ronani,
2. Madhyamik-Kuchuk Madhyamik amjokmwng daiyo 80% marks manoi pass ongnairokno khatongroni bagoi Dasarath Deb Merit Award bwmwngoi rang khokchisai yapharjagoi tongmani thangnai bisinoi jora rwngoi mwthakjagoi tongmanino arouaisa ronani ongthwk,
3. BPL nukhungni Tiprasa srwngnairokno B.Ed, Nursing Course porethanigo TW Department rangkho-pwicha chubagwi porerogo, mator 2018 bisini siming ibo mwthangoi rojakno aro uaisa ronani ongthwk
4. TTAADC haphangni bwkhaktwi IIT, IIM Course daiyo srwngnani bagoi rang khoksarasai (1 lac) chubamani kosol Tripura haste haphangni TW Departmentbo ibotwikhlai chubanani yapri lathwk,
5. Folk Music Collegeni Guest Facultyrokno regular khlainani,
6. Agartala dolini College Hostel tangni bagoi thangnai yaksibodol haphangni jorago rang khoknoichirwjak (20 crore) boksajak tongmani ibo tabokbo sbaiywi Hostel tangjakya tongmanino naiphilnani aro
7. TTAADC-ni Khumpui Akademy rwngnogo admissionni bwmwngoi kesekereng ongoi kwchajak khorok brwichinoi srwngnairokno naikolni bagoi.
I porsni bimwngno lagwi TW Departmentni dagephang bai malaithanigo TSU bodolni ongoi thangoi majakkha TSU Central Committeeni twiphang Netaji Debbarma, tangphang Sujit Tripura, Ankit Murasing, Boyar Debbarma, Badal Debbarma song. TSU-ni i bimwngrokno daktwi-daktwi charogoi tisani bagoi yapri sejaknai hinoi kokrokha boromgnang dagephang.
17 August 2022
No comments