‘Ramanika Gupta Memorial Award-2022’ Yapharjakkha Tripura Hasteni Suikrwng Dharinjoy Tripura Kokmalama, 21 August 2022, Agartala: ‘Ramanika ...

‘Ramanika Gupta Memorial
Award-2022’ Yapharjakkha Tripura Hasteni Suikrwng Dharinjoy Tripura

Kokmalama, 21 August 2022, Agartala:

‘Ramanika Gupta Memorial

Award-2022’ bwmwngoi hagara beremni sokat ephajakkha Tripura

hasteni Tripura dophani suikrwng

machang Dharinjoy Tripura. 2019 bisini siming ‘Ramanika Gupta Foundation and Trustee

Board of Card’ni bwkhaktwi Barot

hani jeba khorokcha suikrwngno

kokrabaini samwng-homwngni bagoi i sokat ephajagwi rojago. Takhlaibo i sokatni bagoi Barotni kabangma suikrwngrokni bwmwng kasago. Paithago i sokat ephajakkha suikrwng Dharinjoy Tripura. 

I sokat ephamwng pana miya 20 August salmarigo New

Delhigo songchajakkha. Sokat manaisa sak-hamyani bagoi panago

thangoi sokat yachagwi lamaliya.

Aini bagoi bini ongoi sokat

yachakkha kacham MP machang Jitendra Chaudhury.

I koktma Tripura haste aro Tripura

dophani bagoi barikhlai khatongjaknai. Ibo simingya, haiyong

gnangoi tongnai Tripurakok

ebakhlai Kokborok sanai lukurokni

bagoi barikhlai khatongjaknai kok.

Machang Dharinjoy Tripura omor

kisani bisingo kabangma bijap suika. Tabok joratwi kangnoichibrwi (24) bijap suika hinoi sagwi majakkha aro Gairing, Kherengbar,

Dong, Maitang, Twisa kokrabai blai,

Gairing Koktun, Kokmalama koktma blairokbo kokmithingka.

Bini suimwng-khaimwngrok Tripura hasteni badebo Assam haste

aro Bangladesh hagarani kabangma

kokrabai blai daiyobo sapaijakkha.

Bo tabok Kokborok/Tripura kokni

hamkraini bagoi yakchoyagwino samwng khlaiywi tongo.

Ibotwikhlai

bo kokrabaini hapargo samwng bai krwngoi tongmani bagoi takhlai

'Ramanika Gunpta Foundation’ni bakhaktwi ‘Ramanika Gupta Memorial Award-2022’ bai borom rojago.

Suikrwngni achaima para ongkha Dolai hangkorni Chawmanu RD

Blockni Natinmanu ADC VC-ni Arunada Roaja Para. Bo hukbar

khlai chanai nukhungni khorokcha cherai. Bo tabok Tripura Legislative Assembly daiyo haphang sebok khlai tongwk.

Bini suijak bijaprokni bisingo tongo- Cherairokni

Koktang, Mwnakjak Horo Ang Saichung, Chasmai Harungo

Khelangbar Motom, Laibumani

Ario Kokborok Kokrwbai Blai, Siyanru, Tripura Kokni Rangchak-Richak, Tripura Jatir Parichiti ibohairok.

Machang Dharinjoy Tripura hagara beremni sokat

manmani bai bono khagam aro

hamjakma ephalaikha bini nukhung aro hasteni lukurok.