United Tripura Youth Associationni Poila Songchama Salno rogoi Knock-out Football Bataimwng Songchajaknai

Kokmalama, 18 July 2022, Agartala: Phainai 5 August salmarigo Tripura dophani sikla-chakli motha United Tripura Youth Association (UTYA)-ni ...

Kokmalama, 18 July 2022, Agartala:

Phainai 5 August salmarigo Tripura dophani sikla-chakli motha United Tripura Youth Association (UTYA)-ni poila songchama sal haste gnangoi palaijaknai. I salno hohom-dodomkhlai palaini bagoi miya 16 July salgo Hakutoisani Pomang Dorbar Nogo TCB bai UTYA-ni bisingyo kaisa kwthalaiywi kokmalama pana songchajakkha. 

I panago UTYA-ni songchama salno rwgwi kaisa knock-out football bataimwng songchanani bagoi kokchaplaijakkha. Twmwi hinba thwngmwngni bisingtwi parani chakli-siklarokno phekjaknai mandwi-khundwi bai langchagwi tongronani ibotwi yapri.

Tinini i kokmalama panago phaiywi majakkha Hakutoisa Moyalni Pomang machang Burba Mohan Tripura, Tripura Chubalai Buthu, Central Committeeni tangphang machang Taranisen Tripura, UTYA Central Committeeni twiphang machang Nabaratna Tripura, twiphang-yakchu Kanchan Tripura, Longtrai Valley Sub-Divisionni TCB-ni okra chakra aro UYTA-ni Central Committeeni ojamarok phaiywi majakkha.