Chawmanu-Chalitachara, Baganbari Thangmani Lama Hamyano Snamgoi Roni Biywi Lukurok Lama Kasolaikha Kokmalama, 1st July 2022, Chawmanu: lama ...
Chawmanu-Chalitachara, Baganbari Thangmani Lama Hamyano Snamgoi Roni Biywi Lukurok Lama Kasolaikha
Kokmalama, 1st July 2022, Chawmanu: lama hamyano smagoi ronani aro lwngjaknai toigam biywi thangnai 29 june salo Chawmanuni Bankumari bai Bangamura amchaiyo lama kasolaikha tongkosong tongnai lukurok. Koktmago sagwi majakkha, bisi kwdwkma jora rwngwi Dolai hangkorni Chawmanu RD Blockni bisingyo Baganbari, Chalitachara, thang-mani lama Laraikarbai Parani siming Nanda Karpari parani lama barikhlai hamya, kaikhlai kukkhlai toi gogla ongjak. Mator i lama hamya numani olobo haphang gamkhlai lama snamgwi roya. Amchaini lukurok jwngjalno soisokmaya ongoi lamago akhoni nangkha. O salni phurung atlogo Chawmanuni Bankumari bai Bangamura lama daiyo krwngwi khlai lukurok lamag achogoi lama kasolaikha. Bangamurago lama kasonai lukurokni logeyo o amchaini lukurokbo toini biyalni bagoi lwngjaknai toigam biywi bokbai thainchakhlai achogoi lama kasolaikha. Koktma manoi Chawmanu PWD-ni Engineerrok phaiywi daktwino lama snamgoi ronai hinoi kokromani olo lukurok lama kasomani rosagwi lago.
Lama kasonaini bisingyo khorok-cha saka, amchaini BJP bodolni ojama Mahatma Ranjan Chakma, Padma Ranjan Chakma, Biplab Chakma song chwngno lama kaso-mani barikhlai chajakya, i samwng cholegwise tongo tmani bagoi lama kaso hino. Mator kwbwi kok ongkha, o lama tabokbo mwngsa snamjakyakho! I lama kasomanino koktma auai khlaitaniyo choprojak kha ‘The Jummo Times’.
No comments