Assemblyni Chongbariyo Kaplai Ongkha BJP-3, INC-1, Khoroktam MLA Smai Tangkha Kokmalama , 29 June, Agartala, 2022: Tripura Assemblyni kaibrw...
Assemblyni Chongbariyo Kaplai Ongkha BJP-3, INC-1, Khoroktam MLA Smai Tangkha
Kokmalama, 29 June, Agartala, 2022: Tripura Assemblyni kaibrwi bwkcha thaini chongbariyo BJP kaitham achokthai aro INC kaisa achokthai daiyo kaplai ongkha.
8.Town Bordowali daiyo BJP-ni batainai Dr. Manik Saha, 46.Surma (SC) daiyo BJP-ni batainai Swapna Das (Paul) aro 57.Jubarajnagar daiyo BJP-ni batainai Malina Debnath kaplai ongkha. 6.Agartala daiyo INC-ni batainai Sudip Roy Barman chongbariyo kaplai ongkha. 46.Surma (SC) achokthai daiyo Tipra Mothani batainai Baburam Satnamni kaplai ongmaliyaphabo poila bataiywi 2nd position daiyo phaimakha. Phainai 2023-ni Assembly chongbariyo i achokkthai daiyo Tipra Motha ongoi manai BJP bodolbai dadak-sidak khlai batainani. CPI(M) bodol i kaibrwi achokthai daiyo kaisabo kaplai ongliya.
28 July salgo Tripura Legislative Assemblygo khorokbrwi katal MLAni bisingyo khoroktam MLA smai tangkha. Bokno smai tang-rokha Speaker Ratan Chokraborty. Smai tangnai katal MLA-rokni bisingyo tongo Sudip Roy Barman, Malina Debnath aro Swapna Das (Paul). Dr. Manik Saha phainai Presidential Election daiyo chong roni bagoi bo MLA ongoi smai tangliya.
Jora kalokmani olo INC bodolni MLA ongoi smai tangoi paimani olo Sudip Roy Barma montriokra Dr. Manik Saha bai yak romlaiywi hambai yapharlaikha.
No comments