Laibuma Snamgoi Assemblyni Bye-Electiongo Tipra Mothani Batainai Baburam Satnami Nomination Yapharka Kokmalama, 4 June, Ambassa : Tripura ha...
Laibuma Snamgoi Assemblyni Bye-Electiongo Tipra Mothani Batainai Baburam Satnami Nomination Yapharka
Kokmalama, 4 June, Ambassa: Tripura hasteni Assemblyni chongbarini laibumago poila Regional party ongoi laibumago bwmwng suika Tipra Motha. Iboni sakango jesa Regional Party ST achokthai daiyo bataiphabo SC achokthai daiyo bataimani laibuma krwi. Assemblyni kaibrwi bwkcha achokthai daiyo bye-election ongmanigo bataikha Tipra Motha. Ibobo ST achokthai daiyoya, SC achokthai daiyose. 46. Surma (SC) achokthai daiyo Tipra Mothani batainai ongkha Baburam Satnamni. Tipra Motha batainaini bwmwng saklaimani loge loge tinino nomination blaibo yapharka 46. Surma (SC) achokthaini Returning Officerni daiyo.
Tipra Motha TTAADC haphango poila achokmani olo Municipal Corporationni chongbariyobo bataikha. Iboni olo tabok Assemblyni kaibrwi bukcha achokthaini bye-election daiyobo bataikha. Tipra Motha ongkha Tripura hasteni laibumago poila Regional party, je party TTAADC chongbariyo siming batailiya, Municipal Corporation, Assemblyni chongbariyo dadak-sidak khlai bataikha.
Bobagra ebakhlai Tipra Mothani ojama Pradyot Kishore Manikyani koktwi, ‘Paikhlai painai, chenkhlai chennai, mator nonobo mechennai’ iboni naikhomwng bai tabok 46.Surma (SC) Assembly achokthai daiyo bataiywi nomination blai yapharmani olo jesa political bodolni daiyo uanamasangcha ongjaknai kok, aro kirinani kok. Twmwi hinba, kaplai ongmayaphabo jesa bodolno mechenthaniyo Tipra Mothani phran tongwk. Phainai 2023 Assemblyni chongbarini sakango 2022 bisini I chongbaribo barikhlai nangsogo jesa bodolni bagoi.
Tipra Mothani ongoi batainai Baburam Satnamni ongkha Tripura haphangni sebok kmajak 10323 phrwngnairokni bisingyo khorokcha. Bo khorokcha Hindustani bosongni borok.
No comments