MBB Collegego Palaijakkha Maharaja Bir Bikramni Bisi Sarachiba Achaima Sal

8 September 2023, Agartala:  Maharaja Bir Bikram Collegeni songchanai Maharaja Bir Bikram Manikyani bisi sarachiba achaima sal hohom-dodomni...

8 September 2023, Agartala: Maharaja Bir Bikram Collegeni songchanai Maharaja Bir Bikram Manikyani bisi sarachiba achaima sal hohom-dodomni bisingtwi palaijakkha.

Maharaja Bir Bikram College Alumni Associationni chaitokmani bai Collegeni Auditorium daiyo hohom-dodomni bisingtwi  songchajakkha Maharaja Bir Bikram Manikyani bisi sarachiba achaima sal.

Poilago College baskango Maharaja Bir Bikramni mangthongo khum bogoi khulunglaikha. Iboni olo Collegeni Auditorium daiyo pana songchajakkha.

I panago MP machang Rebati Tripura, Agartala Municipal Corporationni Mayor Dipak Majumder, Collegeni Principal song phai majakkha.

I sal palaima rwgwi Collegeni srwngnairok rachapmwng, masamwngni kaisa naithotok hukumu pana songchakha.